GENERAL SANTOS CITY – Wala na ga-isyu ug voter’s ID ang Comelec.
Kini ang gibutyag sa Bombo Radyo ni Atty April Mitchor-Miguel, ang Comelec officer dinhi sa siyudad.
Sumala pa nga nagdesisyon ang Comelec nga undangon na ang pagprinta ug ID gumikan gihisgutan na sa Kongreso ang kalabot sa National ID System nga nagpasabot nga usa na lamang ka government ID sa matag tawo.
Hinungdan nga ang maong lakang ang aron makadaginot ang katawhan.
Sa karon, may mga nahibilin matud pa nga mga Comelec ID sa ilang buhatan, apan pulos mga alang lamang sa nagparehistro sa tuig 2012 paubos.
Samtang, kon magkinahanglan matud pa ang usa ka tawo ug Comelec ID alang sa mga mahinungdanon nga transaksyon, mahimo matud pang mahidangat sa ilang buhatan aron mangayo ug voter’s certification nga libreng ginahatag.
