GENERAL SANTOS CITY – May napili na nga duha ka Pinoy boxers si eight division world champion ug Sen. Manny Pacquiao aron mamahimo niyang sparring partners.
Gibutyag sa Bombo Radyo ni Conditioning Coach Nonoy Neri, aprubado na ni Coach Buboy Fernandez ang nahisgutang duha ka Pinoy boxers, nga susama matud pa ang linihukan ug istilo kang Lucas Matthysse.
Taga-Zamboanga matud pa ang usa, samtang ang laing usa taga-Leyte, ug kasamtangan atua pa sa Kauluhan nagbansay.
Dungan niini, gihingusgan ni Neri nga gradual kon anam-anam una ang training routines ni Pacquiao karon.
Sumala pa nga anaa gihapon ang mga kanhi na nilang ginahimo kaniadto, ug dugangan na lamang kon unsa pa ang mga mamahimong maayo alang sa fighting senator.
Apan pagusto matud pa kini sa pagkaon, ug kinahanglan nga paigo kanunay ang tulog aron mamahimong maayo ang performance sa training.
