GENERAL SANTOS CITY – Blangko sa karon sa motibo ug ilhanan sa suspek ang Tambler Police station kalabutan sa pagpusil patay sa ilang chief intelligence officer nga si PO3 Clark Bachoco.
Kini human gibanhigan samtang pauli na sa iyang pinuy-anan ang biktima sa Doña Soledad, Labangal ning dakbayan apan pag-abut sa Purok New Bohol, Calumpang gibanhigan ang biktima nga nagresulta sa iyang kamatayon.
Gibutyag ni Police Insp. Dominador Soliva, deputy chief sa Tambler Police station nga bag-o lang sila nagpahigayon ug saturation drive hinungdan nga naabtan sila ug kaadlawon.
Gikan matud pa sa presento ang iyang sakop dihang kini gipusil. Isip usa ka Intel operative wala matud pa silay nakuha nga impormasyon nga muhatag ug lead sa kaso.
Nasuta nga tulo ka anak ni Bachoco ang atoa sa North Cotabato nagtungha hinungda nga nag-inusara lamang kini dinhi sa dakbayan.
Tungod niini naka half mast ang bandera sa tanan nga Police station sa dakbayan.
