GENERAL SANTOS CITY – Gikumpirma ni Sarangani Provincial Jail warden Manuel ‘Busoy’ Sales nga mukabat sa 27 ang gibuhian na human nga ma-dismiss ang ilang kaso tungod sa Enhanced justice on Wheels.
Matud niini, anaa miaging adlaw sa Sarangani Prov’l. Jail ang Justice on Wheels kon asa miabot sa 73 ka inmates ang gitaral nga may lain laing kaso.
Gibutyag ni Sales, dakong tabang ang Justice on wheels tungod mas paspas ang pagtaral sa kaso nga dugay nang nasentansyahan og mas mapasayon ang pagtaral sa kaso nga dugay ng natanggong sa korte.
Gumikan niini, ma-aksyunan ang backlog sa kaso sa mga korte kon asa ang mga inmates ang labing apektado.
Sumala pa ni Sales, lain-laing kaso sa inmates ang gitaral sa Justice on Wheels sama kadtong nag-atubang og frustrated murder, murder, rape og uban pa.
Karong adlawa, biyaheng South Cotabato ang Enhanced Justice On Wheels sa Supreme Court og gilaumang daghang inmate ang mabuhian sa tabang sa Justice on Wheels.
Sa pamahayag ni Sales, gawas sa pagtaral sa kaso sa mga inmates, may libreng legal aid usab ang gipahiygayon nga maayong programa nga gihimo sa DOJ og LGU-Sarangani.
Kahibaluan nga nahidangat sa Sarangani si court administrator Midas Marquez , mga sakop sa Public Attorneys Office-Sarangani og daghan pa.
