GENERAL SANTOS CITY – Naka-restricted status na ang desk officer sa Tinagacan Police Station human gireklamo sa pagpabuto ug armas sa gawas sa usa ka videokehan sa Prk 6, Brgy Batomelong ning dakbayan.
Kini ang gibutyag sa iyang hepe nga si Police Senior Inspector Rojo, kung asa gikabutyag nga gidis-armahan na ang naasoy’ng pulis nga giilang si SPO1 Rosito Cabreza.
Sa pagkakaron nagpabilin una siya sa nasampit nga presinto ug gipailawom sa imbestigasyon. SamtanggGipadala na usab sa SOCO aron ipailawom sa ballistic examination ang empty shell nga narekober sa usa ka videokehan aron masayran kon mag-match sa pusil ni SPO1 Cabreza.
Gikabutyag nga off-duty na si SPO1 Cabreza dihang nahitabo ang insidente, kung asa midangop mismo sa ilang presinto ang mga reklamante ug gitudlo ang naasoy’ng pulis.
Gipasalig ni PSInsp. Rojo nga nagpadayon ang imbestigasyon ug pahamtangan sa paigong silot si SPO1 Cabreza, kon mapamatud-an sa reklamong indiscriminate firing.
