GENERAL SANTOS CITY – Nakaluwas ug nakalikay sa kamatayon ang usa ka lalaki human gisulayan ug pusil sa naka-motorsiklo nga mga suspek.
Giila ang biktima nga si ret. Chief Inspector Florencio Achivar, 50 anyos, residente sa Prk 6, Lanton, Brgy Apopong ning dakbayan, retiradong sakop sa Highway Patrol Group.
Gikabutyag nga samtang gadagan sa Silway Bridge sakay sa iyang sakyanan, kalit na lamang siyang gisulayan ug tiro sa suspek nga sakay sa usa ka motorsiklo.
Maayo na lamang nga nakalikay siya ug wala naigo.
Samtang ang mga suspek ang paspas matud pang misibat human ang insidente.
Hinungdan nga igo na lamang gipatala sa nasampit nga retiradong opisyal sa HPG ang nahitabo, ngadto sa Makar Police Station, nga nagpahigayon na ug imbestigasyon kalabot sa insidente.
