GENERAL SANTOS CITY – Diha-diha namatay kagabie ang usa ka sikad driver human nga gipusil sa wala mailhing suspek nga nakamotorsiklo sa Hermosa Subd, Brgy. City Heights ning dakbayan.
Giila ang biktima nga si Renel Pamusino, 32 nga residente sa maong lugar. Sa imbestigasyon sa San Isidro Police Station natigayon ang pagpamusil pasado alas 7:00 sa gabie samtang ang biktima ang nangguna og sagbot.
Sumala sa mga saksi sa insidente, gitiro sa wala mailhing suspetsado ang biktima samtang nagtalikod. Ang responsable ang naka-helmet samtang sakay sa XRM motor.
Gikabutyag nga tulo ka higayon nga gipusil sa suspek ang biktima nga hinungdan sa iyang hinanaling kamatayon.
Ug gani, hilabihan ang paghilak sa asawa dihang naabtan sa crime scene nga naligo na sa kaugalingon niining dugo og wala nay kinabuhi.
Sa pagkakaron, padayon pang giimbestigahan sa kapulisan sa SAn Isidro ang motibo og ilhanan sa suspek.
