GENERAL SANTOS CITY – Mukabat sa P34 million ang natala nga damyos sa bahin sa agrikultura sa Kabacan Cotabato human ang natigayon ang pagbaha sa miaging semana.
Matud pa ni Romel Sanarimbo sa OCD Region 12 kini basi sa damage assessment report sa lokal nga panggamhanan sa Kabacan.
Matud pa ni Sanarimbo, naa sa 542 ektarya tamnanan sa humay ang grabeng naapektuhan sa pagbaha sa lugar.
Samtang apektado usab ang panginabuhian sa mga apektadong pamilya gikan sa pito ka barangay sa KAbacan.
Gibutyag niini nga nakasinati usab ug pagbaha ang Pikit kon asa 33 barangay ang apektado, og gilunopan usab ang Tulunan og Matalam.
Ang pagbaha ang hinungdan sa pag-awas sa Pulangi River gumikan sa pagbundak sa makusog nga pag-ulan. MAtud pa ni Sanarimbo nga nagpagawas na ug direktiba ngadto sa mga DRRMO officer sa kada barangay, munisipyo og probinsya nga ireport sa OCD-12 ang monitoring sa panahon sa ilang lugar.
Angayang kanunay nga pahimangnuan ang mga r esidente ilabina ang mga nagpuyo sa kasapaan, bukid, kabaybayunan og naa sa ubos nga lugar nga angayang alerto sa tanang oras.
