GENERAL SANTOS CITY – Target nga mamahimong operational ang ospital nga naa sa sulod sa compound sa kapitolyo sa Sarangani sa bulan sa Oktubre o una ang selebrasyon sa Munato Festival.
Matud pa ni Dr. Alvin Alejandro, Provincial health officer sa Sarangani nga andam na ang P10 million alang sa supplemental budget number 3 human ang direktiba ni Gov. Steve Solon sa local finance committee.
Ug gani, ang maong pondo ang alang sa suweldo sa mga doktor, nurses, contractual og job order alang sa ospital nga angayang maka-hire na sila sunod bulan.
Gibutyag ni Dr. Alejandro nga angayang gilayong masumite na nila ang listahan sa mga na-hire nga personahe alang sa request sa probinsya nga license to operate.
Kon dili mahabol ang mga rekositos, sa Enero na mhimong operational ang ospital.
Sa pahayag niini, upat ka doktor ang i-hire alang sa regular position, samtang nurse 2 og nurse 3 ang mahimo lamang nga dawaton.
