GENERAL SANTOS CITY – Gipasaylo na ni Vice Mayor Shirlyn Nograles si Kagawad Elizabeth Bagonoc sa pagpagawas ug sayop nga pahayag kalabut sa simulation nga gipatuman sa dakbayan isip kabahin sa pagpangandam sa paghatag sa seguredad sa dakbayan.
Kini human gibutyag ni Kagawad Bagunoc nga si Acting Mayor Shirlyn Nograles nagbutyag nga magpatuman ug lockdown ang syudad nga pagahisgutan usab sa Peace and Order meeting sa syudad niadtong Hunyo 25 milabay nga bulan.
Gumikan niini nagresulta hinuon sa kalibug sa katawhan ang giingon nga lockdown sa syudad. Una nga giangkon ni Konsehal Bagonoc nga wala niini masabtan ang tinuod kahulugan sa pulong nga lockdown nga gipangutana kaniya sa usa ka interview.
Ulahi na lamang niini nasayran nga usa lamang kini ka simulation lockdown usa ka matang sa drill nga gihimo sa kapulisan ug sa joint task force Gensan.
Kahinumduman nga giangkon usab sa konsehal nga nahimo kini luyo nga walay malisya ang pagpagawas niini sa maong pahayag.
Kahinumduman nga mihatag ug pagpaklaro si Police Supt. Lauro Espida, tigpamaba sa general Santos City Police Office nga walay lockdown nga nahitabo apan usa lamang ka simulation nga kabahin sa pagbansay sa kapulisan aron madetermina ang angayan nga buhaton kung adunay susama nga mahitabo dinhi sa dakbayan.
