GENERAL SANTOS CITY – Walay nabitbit bisan usa ka gamit ang duha ka pamilya human nga naugdaw ang ilang panimalay sa natigayong sunog sa Prk. San Francisco Brgy. Lagao ning syudad.
Gipanag-iyahan ni Jeremias Arancillo og sa umagad nga si Reden Matura ang nasunog nga duha ka balay pasado alas tres kagahapon sa hapon.
Sumala sa silingan, kalit nilang nakit-an ang pag-spark sa wire sa atbang nga balay hinungdan nga gisiguro og palong ang plangka sa ilang balay apan sa iyang pagbalik, kusog na ang pagsilaab sa kalayo.
Walay tao sa balay ni Arancillo dihang nahitabo ang sunog tungod nagsundo sa iyang mga anak sa tulunghaan samtang ang asawa ang nag-manicure.
Sa pahayag niini, una mihawa sa ilang balay, gipang-ibut ang mga nakasaksak.
Padayun pang giimbestigahan sa BFP-GenSan ang hinungdan sa sunog.
Nasayran nga ginama sa kalakat og kahoy ang mga balay hinungdan nga paspas nga mikatag ang kalayo.
Ug gani, duha ka firetruck ang nirespondi sa sunog apan wala nay naabtan tungod naugdaw na ang mga balay.
