24 anyos nga may problema sa pangisip, gilugos

GENERAL SANTOS CITY – Gihuptan na sa kapulisan ang 20 anyos nga lalaki nga gitudlong nanglugos sa 24 anyos nga dalaga sa Polomolok, South Cotabato.

Basi sa gihimong pakigsusi nga bag-o lamang nakauli ang biktima gikan sa pagtan-aw ug palabas sa plaza alas onse sa gabii miaging adlaw dihang gimandu-an nga nga mupalit ug yelo sa tindahan.

Apan dihang pauli na ang biktima kalit matud pa kiningi giguyod sa suspek sa mangitngit nga bahin sa ilang lugar ug didto gipanamastamasan.

Buot pa unta nga bunalan ug bato ang ulo sa biktima nga may deperensiya sa pangisip apan nakadagan kini ug nakapangayu ug tabang sa iyang pamilya.

Ang rape survivor ang nagpatambal karon sa usa ka hospital . Desidido usab ang pamilya niini nga kasuhan ang suspek.