GENERAL SANTOS CITY – Gikumpirma ni Sarangani Gov. Steve Solon nga nagkaistoryhanay sila ni Maitum Mayor Alexander Bryan Reganit may kalabotan sa giatubang nini nga kasong murder.
Kahibaluan nga nigawas na ang warrant of arrest batok kang Mayor Reganit.
Sa pakighinabi sa BOmbo Radyo, gibutyag ni Gov. Solon nga gitambagan niya ang mayor nga muatubang gayud sa korte sa tabang usab sa iyang abogado aron masulbad ang problema..
Angayang atubangon gayud sa ma yor ang iyang kaso tungod wala gayoy mahitabo kung magpabiling magtago..
Wala direktang gibutyag ni Gov. Solon kung musurender si Mayor Reganit sa mga otoridad..
Gibutyag ni Gov. Solon nga naka-leave pagkakaron si Mayor Reganit nga sumala pa sa ilang pag-istoryahanay, hugot nga gihingusgan nga wala siyay kalambigitan sa pagpang-ambush sa kanhing Mayor sa Maitum nga si George McPerson Perrett kaniadtong Pebrero 28, 2014.
