GENERAL SANTOS CITY – Nakasinate ug trauma ang biktima sa pagpanglugos nga gipailawom sa counciling sa DSWDO.
Kini human giatangan ang biktima sa kasagbutang bahin sa Purok 6 Fatima miaging gabii sa usa ka suspek.
Matud ni Police Chief Instr. Nestor Maderse sa fatima Police station nga iya nang na estorya ang biktima ug nagbutyag nga namay-ungan niini ang suspek nga gituhu-an pang nag edad ug 17 hangtud 22 anyos.
Gihimo matud pang shirt cut sa mga residente ang lugar hinungdan nga didto miagi pag-uli ang naasoy nga biktima.
Gilayon usab nga gihimo sa kapulisan ang paagi aron mamugan ug facial composite aron nga ipakita ngadto sa biktima aron nga kun mutakdo na kini ilang ipagawas sa publiko sa pamasin nga adunay nakaila niini sa dapit.
Nanawagan pa ang kapulisan ngadto sa mga ginikanan nga dili mukumpiyansa sa ilang mga anak nga babaye sa pagpauli gikan sa tulunghaan nga dili muagi sa mga hilit nga dapit hilabi pa kung gabii.
Mas maayo matud pang may kauban kini u dili ba kaha tagbuon na lamang aron dili mamiligro ang ilang nga anak.
