GENERAL SANTOS CITY -Kustodiya karon sa Alabel Municipal Police Station ang driver sa weapon truck human nga na-atrasan niini ang usa ka ginang og namatay dihang natigayon ang disgrasya sa Alabel, Sarangani Province.
Nasayran nga gimanehuan ni Angeles Bangan, hamtong ang pangidaron ang maong sakyanan.
Matud ni PO2 Napoleon Cahayag Jr, nasuta sa gihimong imbestigasyon nga ang biktima nga si Romana Mandalo nga taga Brgy . Kihan Malapatan Sarangani ang sakay sa weapon truck og laing walo ka kauban.
Misaka matud pa sa bungtod nga bahin sa Alabel Proper ang sakyanan apan wala gilauman nga nagbreak-down hinungdan nga niatras og nahulog sa shoulder road.
Tungod matud pa sa kakuyaw sa biktima, miambak kini apan wala makit-an sa driver hinungdan nga nadat-ugan sa weapon truck nga hinungdan sa iyang kamatayon.
Nasayran nga ang sakyanan ang gipanag-iyahan ni Charlie Tongak kon asa adunay sakay nga 64 ka sako sa mais dihang natigayon ang insidente.
Sumala pa ni PO2 Cahayag sa pagkakaron padayon pang giimbestigahan ang maong insidente og ang posibleng tulubagon sa driver.
