GENERAL SANTOS CITY – Lima ka mga panimalay ang nadaot human ang nasinatiang flashflood sa Sitio Lower Lamcanal, Malandag, Malungon, Sarangani Province, Miyerkules sa hapon.
Base sa report sa Municipal Disaster Risk Reduction Office sa Malungon, usa sa nahisgutang mga balay ang totally damaged, samtang partially damaged lamang ang upat, dihang mikusog ang bul-og sa tubig sa creek sa lugar.
Kahibaluan nga ang naasoy’ng pagbaha gumikan sa nasinatiang mga pag-ulan sa SOCCSKSARGEN tungod matud pa sa localized thunderstorms nga mas gipakusog pa sa Inter-tropical convergence zone kon ITCZ.
Hapit matud pang ma-trap sa ilang panimalay ang usa ka pamilya tungod sa insidente.
Apan na-rescue sila sa mga silingan ug anaa na sa luwas nga kahimtang.
Sa pagkakaron gitambagan sa mga otoridad ang mga residente sa lugar nga mag-amping, hilabi na sa mga lugar nga prone sa landslide ug pagbaha.
Nasayran nga gawas sa mga balay nga nadaot, gikabutyag nga duha ka motorsiklo og may pipila ka gialimahan nga mga hayop ang naanod sa tubig-baha.
