Nisaka pag usab ang usa ka foreign national, sa poste sa kuryente sa may Daproza Avenue, Barangay Dadiangas West, Gensan kaganihang buntag alas 5 pasado.
Gani ang pwersa sa Bureau f Fire Protection naningkamot nga mapanaog ang maong langyaw tungod sa kadelikado sa gibuhat niini. Pipila usab ka oras ang nilungtad alang sa negosasyon para maminaw ug monaug na ang nahisgutan.
Sumala sa witness nga di Aldren Cañadilla nakurat nalang siya dihang nakita niya ang maong indibidwal ug dali niyang gipahibalo kini sa mga otoridad.
Ang maong langyaw ang una nang gikustodiya sa Pendatun Police Station niadtong miaging semana tungod usab sa suway niini ug ambak sa usa ka hotel nga iyang temporaryong gipuy-an ug iyang ginapasakitan ang iyang kaugalingon. Rason nga gipusasan sa kapulisan ang maong Slovenian national, samtang sa nakalabay usab nga adlaw nigawas na usab kini sa bintana saiyang gipuy-an ug sulay na usab nga mo ambak sa maong building.
Hinoon sa nahitabo kaganiha dali man usab gipalong ang linya sa kuryente sa nasampit nga poste arong dili makuryentihan ang nahisgutan.
