Hugot ang imbestigasyon sa mga otoridad human maaresto ang usa ka 43-anyos nga babayeng Pilipina ang nadakpan sa Ninoy Aquino International Airport (NAIA) human nga iyang gisulayan nga ipasulod sa nasud ang P29.7 milyon nga kantidad sa shabu.
Matud pa sa Philippine Drug Enforcement Agency (PDEA), ang suspek nga ginganlan lang og ‘Lyn’, nadakpan sa mga sakop sa NAIA Inter-Agency Drug Interdiction Task Group (NAIA-IADITG) sa Customs International Arrival Area sa NAIA Terminal 3, sa iyang pag-abot gikan sa Kuala Lumpur, Malaysia.
Sa paghimo sa immigration officers og inspeksyon sa iyang bagahe, nakit-an ang gibana-banang 4.368 kilo nga shabu, nga gitago sa sulod sa usa ka improvised nga pouch nga gitapakan og black duct tape.
Ang suspek ug ang ebidensya gidala sa opisina sa PDEA alang sa tukmang dokumentasyon ug disposisyon.
Matud ni PDEA Director General Isgani Nerez, ang maong kalampusan nagpakita sa walay puas nga paningkamot sa PDEA ug sa mga kauban nilang ahensya aron mapanalipdan ang utlanan sa nasud batok sa international drug trafficking.
