Andam matod pa dawaton ni kanhing Senador Antonio Trillanes IV kung imbitahon siya ni Senator Rodante Marcoleta nga motambong sa pagdungog bahin sa gitawag nga pagsulay sa pag-aresto kang Senator Ronald “Bato” Dela Rosa niadtong Mayo 11.
Sumala sa kanhing senador nga dili siya mahadlok kung ipatawag siya ni Marcoleta.
Mipadayag usab siya nga mao nga didto siya sa Senado ug nagdala og kopya sa warrant of arrest gikan sa International Criminal Court kay gihagit matod siya ni Sen. Bato nga arestuhon siya.
Matod pa ni Trillanes, aduna usab siya’y impormasyon sa posibleng gigikanan ni Bato apan kinahanglan pa kini nga i-validate.
Matud sa mga report, gipangita sa mga otoridad si Sen. Bato human ipagawas ang warrant of arrest batok kaniya gikan sa ICC tungod sa giingong crime against humanity nga may kalabotan sa panahon ni kanhing Pangulong Rodrigo Duterte.
