Mi-abot sa kapin 30 ka mga tawo ang angol human gidaro sa oil tanker ang unom ka sakyanan apil na ang usa ka bus unit sa Rural Transit didto sa national highway sa Brgy Baliwagan, Balingasag, Misamis Oriental, pasado alas 7 sa gabii kaniadtong Disyembre 31, 2025.
Base sa inisyal nga report sa mga miresponde nga personahe sa Bureau of Fire Protection Balingasag, gitu-uhang nawad-an og preno ang tanker nga mibangga sa poste nga midamay pa sa usa ka de-pasayrang van nga puno sa pasahero, ug laing tulo ka pribadong sakyanan.
Tungod sa kadako sa namugnang kadaut, misaad si Misamis Oriental Congressman Bambi Emano nga tabangan ang mga pamilya sa mga na-angol ug abagahon ang gasto sa ospital samtang nagpadayon ang imbestigasyon sa kapulisan aron manubag ang sad-an sa maong insidente.
