Ang Gender equality ang mahimong hinungdanon nga bahin sa 2028 Olympics sa Los Angeles, matud sa International Olympic Committee .
Sa unang higayon, ang tanang team sports adunay labing menos sama ka daghan sa mga babaye nga team kay sa mga lalaki, sumala sa programa sa kalihokan ug mga quota sa atleta.
Sa 10,500 ka athlete spots, 5,333 ang gitagana alang sa mga babaye ug 5,167 sa mga lalaki. Sa laing una, ang football – usa sa labing inila nga mga dula sa Summer Games – adunay 16 ka mga babaye nga team, itandi sa 12 alang sa mga lalaki.
Full gender parity usab ang gipasiugda sa boxing, water polo, ug mixed events sama sa archery, athletics, golf, gymnastics, ug table tennis.
Ang 2028 Olympics mopalapad usab sa gidaghanon sa mga medalya nga panghitabo ngadto sa 351 – 22 labaw pa sa Paris 2024.
Ang mga bag-ong kompetisyon sa paglangoy ug pagbugsay gipaabot nga maghatag ug bag-ong interes, samtang ang bouldering ug lead sport climbing pagatigi karon isip managlahing medal events.
Ang basketball 3×3, nga debuted sa Tokyo 2020, molapad gikan sa 16 ngadto sa 24 ka teams.
Ang breakdancing, bisan pa, dili na mobalik alang sa 2028 nga mga dula. Ang 2028 Summer Olympics mahitabo sa Los Angeles sa Hulyo 14-30. Samtang ang Brisbane, Australia gikatakda nga mag-host sa 2032 nga edisyon
