GENERAL SANTOS CITY -Kapin P1.5milyon ang napanghatag nga kantidad sa mga NEww Peoples Army (NPA) surrenderee sa North Cotabato.
Kini ang gibutyag sa Bombo Radyo ni Lt. Silver Belvis, tigpamaba sa 39th IB Philippine Army, atul sa gipahigayong seremonya kagahapong adlawa, alang sa pagtahan sa 18 ka mga kanhing miyembro sa NPA.
Sagad kanila ang gikan sa South Cotabato, Bukidnon, Davao Del Sur apan sa North Cotabato mi-surrender.
Nakadawat matud pa ang matag usa ug-tigP50,000 nga livelihood cash assistance, nga dakong tabang alang sa ilang pagbag-o sa kinabuhi.
Kasagaran matud pa sa mga rason sa mga mitahan mao ang napul-an na sa mga saad sa NPA nga wala gayud natuman. Lakip sa mitambong sa seremonya silang North Cotabato Gov. Lala Taliño-Mendoza, Col. Roberto Ancan, 1002nd Infantry Brigade commander, ug mga representante sa DILG ug DWSD.
Dugang pa ni Lt. Belvis lauman nga daghan pa ang musunod nga mutahan gumikan gipasaligan sa gobyerno nga tabangan gayud kon mubalik sa sabakan sa gobyerno.
