Nagpadayon ang paghatag sa cash gift alang sa mga senior citizens nga nag-edad og 80, 85, 90, 95, ug 100 ka tuig, nga mokabat og ₱10,000 matag benepisyaryo, isip kabahin sa implementasyon sa Expanded Centenarians Act of 2024.
Matud ni Edwin Espijo, Commission Member IV sa National Commission of Senior Citizens Region 12, anaa sa gibana-banang 1,500 ka mga benepisyaryo ang makadawat sa maong pahalipay sa unang semana sa Abril.
Gipasabot sa opisyal nga ang maong programa nagpadayon isip suporta sa gobyerno alang sa mga senior citizens nga nakaabot sa maong mga milestone ages, isip pag-ila sa ilang kontribusyon sa komunidad ug sa nasud.
Gi-awhag usab ang mga kwalipikadong senior citizens o ilang pamilya nga mosubay sa opisyal nga mga pahibalo ug requirements aron masiguro nga makuha ang ilang benepisyo sa hapsay nga paagi.
