Magnitude 5.3 nga linog, miigo sa Balut Island; maong pagtay-og nagpabiling afterschock

Gitay-og pag usab ug magnitude 5.3 nga linog ang dapit sa kadagatan duol sa Balut Island, Davao Occidental karung adlawa, Hulyo 4, alas 10:21 sa buntag.

Sumala sa PHIVOLCS, ang maong linog giila nga aftershock sa nag-una nga kusog nga linog nga magnitude 7.8 sa Offshore Sarangani ug magnitude 6.5 sa Offshore Davao Occidental nga nahitabo niadtong Hunyo 8, 2026.

Natala ang Instrumental Intensity III sa Malapatan, Sarangani, samtang Intensity I sa General Santos City.

Sa karon, wala pa’y natala nga kadaot o nasamdan tungod sa pagtay-og. Gipahimangnoan sa mga otoridad ang publiko nga magpabiling kalmado, magbantay sa posibleng aftershocks, ug mosunod sa mga pahimangno sa lokal nga gobyerno.