-- ADVERTISEMENT --
Misaka na sa 92 ang gidaghanon sa mga namatay tungod sa magnitude 7.8 nga linog nga miigo sa Maasim, Sarangani niadtong Hunyo 8, base sa pinakabag-ong datos sa National Disaster Risk Reduction and Management Council.
Mikabat usab sa 1,316 ang mga nasamdan, samtang 20 pa ka tao ang padayon nga gipangita. Sa 92 ka namatay, siyam pa lamang ang nakumpirma, samtang ang nahibiling 83 padayon pang giberipika sa mga otoridad.
Pinakadaghan ang naapektuhan sa Region 12 diin naitala ang 71 ka namatay, 1,236 ka nasamdan, ug pito ka na missing. Sa Region 11, adunay 21 ka namatay, 79 ka nasamdan, ug 13 ka na missing.
Gipahimangno sa NDRRMC nga posible pang mausab ang maong ihap samtang nagpadayon ang validation ug assessment sa mga apektadong lugar.
