Gipahayag ni Atty. Dominador Lagare Jr., usa ka law professor sa Mindanao State University – General Santos, nga “interesting” ang pag-imbita sa usa ka ngalan nga Mary Grace Piattos sa pagtaral kay VP Sara Duterte, apan matud niya, wala kini klaro nga ebidensya nga usa ka tinuod nga tao ang nasampit.
Sumala sa abogado, ang “Mary Grace” kasagarang nailhan nga ngalan sa usa ka restaurant, samtang ang “Piattos” usa ka brand sa snack nga chichirya, busa nagduda siya sa pagkatao sa maong persona.
Gikutlo usab ni Lagare nga wala na unta’y panginahanglan nga adunay confidential fund ang Office of the Vice President, ug iyang gipunting nga kini ang unang higayon nga gihatagan og maong pondo ang opisina, apil na sa panahon nga si Sara Duterte pa ang nagserbisyo isip Secretary of Education
