Gisaway ni Ben Claudio, usa ka negosyante sa syudad, ang pahayag ni Ferdinand Marcos Jr. nga miuswag na ang income sa nasod, human niya giingon nga dili kini makita sa aktuwal nga kahimtang sa katawhan.
Matud ni Claudio, posibleng miusbaw lamang ang datos sa ekonomiya tungod sa pagtaas sa utang sa gobyerno, apan wala kini dayon nakaabot sa panginabuhian sa mga Pilipino.
Iyang gipunting nga base sa iyang obserbasyon sa Rehiyon 12, daghan gihapon ang walay trabaho o kulang sa tarong nga tinubdan sa kita.
Daghan usab aniya ang mga gagmay nga negosyo nga naglisod og bangon bisan wala pa maigo sa kalamidad sama sa linog.
Matud pa niya, adunay daghang hinungdan nga nagpakita nga lisod i-justify ang giingong pag-angat sa income kung ang kahimtang sa mga ordinaryong mamamayan ang walay kausaban
