Ilubong na karong adlawa ang biktimang si John Alexis Punla, diin grabe ang kasubo nga gibati sa iyang pamilya tungod sa kalit ug makapasubo nga pagkawala niini.
Matud sa pamilya, lisod gihapon para kanila dawaton ang nahitabo tungod sa kawalay kalouy ug kadali sa panghitabo diin wala sila magdahom nga moabot kini sa maong kahimtang.
Samtang, ang tulo ka suspek nga giingong responsable sa pagpatay kang Punla gipasakaan na ug kaso ug anaa na karon sa kustodiya sa Lanton City Jail alang sa tukmang disposisyon samtang nagpadayon ang proseso sa kaso.
Kahinumduman nga nag viral ang missing post sa pamilya ug higala sa biktima kaniadtong, Hunyo 24 ning tuiga ug pipila ka adlaw nakita ang motorsiklo niini nga gibilin kilid sa usa ka sapa ug wala madugay nakita ra usab ang patayng lawas niini nga gilubong sa usa ka luna nga adunay gilawmon nga 3 meters.
Gani gisuta sa pamilya ang biktima pinaagi lamang sa gisuot ug tattoo sa nasampit tungod dili na maitsura ang dagway ni Punla tungod sa gigamit pag bunal saiyang nawng.
Samtang kagabii, personal nga niduaw si P/Col. Eric De Venancio ang City Director sa General Santos City Police Office atol sa last vigil sa maong biktima.
