Zelensky nanawagan sa mga nasud nga ipahamtang ang bug-at nga mga silot batok sa Russia

Nanawagan ang Presidente sa Ukraine nga si Volodymyr Zelensky alang sa higpit nga internasyonal nga mga silot batok sa Russia.

Human kini sa airstrike sa Russia sa Kyiv nga mipatay sa 31 ka tao.

Si Zelensky niingon nga lima ka mga bata ang napatay, asa ang pinakabata nag edad ug 2 anyos.

Ang presidente sa Ukraine miingon nga ang hugot nga mga silot makatabang sa pagpakunhod sa gahum sa Russia.

Naglunsad ang Russia og 300 ka drone ug walo ka cruise missiles nga miigo sa daghang mga building ug mga balay sa Kyiv.

Gideklara sa Ukraine ang pipila ka adlaw nga pagbangotan human sa insidente.