Naospital ug gipa-ilalom sa isolation ang usa ka crew member sa MV Hondius human siya magpositibo sa Andes strain sa hantavirus samtang naka-quarantine sa Netherlands.
Sumala sa Dutch National Institute for Public Health and the Environment (RIVM), gipa-admit sa ospital ang pasyente isip pag-amping aron malikayan ang posibleng pagkatag sa virus.
“The Andes virus has been detected in one person who was in quarantine in the Netherlands. The patient has since been admitted to the hospital as a precaution and is in isolation,” pahayag sa RIVM.
Ang Andes strain usa ka klase sa hantavirus nga mahimong mapasa gikan sa tawo ngadto sa tawo pinaagi sa close contaact, dili sama sa kasagarang hantavirus nga kasagarang makuha gikan sa mga ilaga o ilang hugaw ug ihi.
May kalabotan kini sa miaging outbreak nga gitaho sa cruise ship diin adunay pipila ka pasahero ug crew members nga natakdan ug namatay.
