-- ADVERTISEMENT --
Gikumpirma sa acting US Navy Secretary nga gipaundang sa makadiyot ang plano sa Estados Unidos nga pagbaligya og armas ngadto sa Taiwan.
Sumala kang acting secretary Hung Cao, ilang ihunong una ang nakatakdang paghatag sa $14 bilyon nga kantidad sa mga armas nga gipalit sa Taiwan aron masiguro nga adunay igo nga mga bala ug munitions ang militar sa US alang sa “Epic Fury” operation sa Iran.
Gipasabot usab sa US official nga magpadayon ang pagbaligya sa mga kagamitang militar ngadto sa Taiwan kung tan-awon kini nga kinahanglanon sa administrasyon ni US President Donald Trump.
Sa pagkakaron, wala pa’y opisyal nga pahayag nga gipagawas ang US State Department ug Pentagon kabahin sa komentaryo sa acting secretary.
