Mopahigayon ang House prosecution panel og regular nga mga press briefing sa higayon nga magsugod na ang impeachment trial batok kang VP Sara Duterte.
Sumala sa tigpamaba sa panel nga si Zia Alonto Adiong, gitun-an na sa mga prosecutor ang posibilidad sa pagpahigayon sa maong briefing, isip kabahin sa usa ka information campaign aron mapasabot sa publiko ang mga proseso.
Tumong usab sa panel nga malikayan ang bisan unsang kalibog bahin sa mga legal nga isyu nga naglibot sa tibuok proseso.
Gilauman sa panel nga ang serye sa mga hearing mahimong taas ug ang publiko siguradong motan-aw sa tibuok husay.
Gawas sa media, gusto usab sa panel nga direktang makigsulti sa publiko ug motubag sa ilang mga pangutana.
Sa pagkakaron, gitun-an pa sa panel ang eksaktong pormat sa mga briefing, diin ang mga prosecutor gusto nga maghatag og regular nga mga update, pagklaro sa mga proseso, mga proyeksyon ug pag-uswag sa kaso, ug uban pa.
Miingon siya nga ang mga prosecutor nahibalo sa gilapdon sa interes sa publiko ug gusto nila nga ipadayon kana nga interes pinaagi sa regular nga pagpakatap sa impormasyon.
