Nagpadayon ang pagsaka sa kaso sa HIV/AIDS sa General Santos City diin kadaghanan sa mga nagpositibo mga young professionals nga anaa sa edad 20 hangtod 45 anyos, kaparehas sa national trend sa nasud.
Matud ni Dr. Karl Igrobay assistant department head sa city health office Gensan nga usa sa dakong hagit nga giatubang sa mga adunay HIV mao ang stigma ug diskriminasyon. Miingon siya nga kasagaran adunay kahadlok ug pagpalayo ang ubang tawo kon mahibal-an nga positibo sa HIV ang usa ka indibidwal.
Dugang pa ni Igrobay, ang nangunang hinungdan sa pagsaka sa kaso sa syudad mao gihapon ang sexual intercourse tali sa men having sex with men o MSM.
Gipasiugda usab sa mga otoridad sa panglawas ang kamahinungdanon sa edukasyon, regular testing, ug sayong pagpangayo og tambag medikal aron malikayan ang dugang pagkatap sa virus.
Samtang, padayon usab ang panawagan sa health sector sa publiko nga likayan ang diskriminasyon batok sa mga adunay HIV ug hatagan sila og suporta ug pagsabot.
2 LOKAL VC2- IGROBAY
