Kulang pa ang ebidensya aron ikonsidera nga crime against humanity ang war on drugs sa administrasyon ni Rodrigo Duterte, sumala ni Atty. Rogelio Garcia, regional president sa PDP-Laban.
Matud niini isip abogado, dili pa igo ang mga gipresentar nga basihan aron masulti nga adunay sistematikong paglapas sa tawhanong katungod atol sa kampanya kontra iligal nga droga. Iyang giingon nga bisan pa sa giingong daghang namatay, gamay ra ang gidaghanon sa mga testigong mipadayag aron mosuporta sa alegasyon.
Giingon usab niya nga base sa pahayag sa kapulisan, kadaghanan sa mga namatay nalambigit sa lehitimong police operations ug mga engkuwentro. Busa, kinahanglan matod pa niya nga masuta pag-ayo ang police reports ug matag insidente aron mahibal-an ang tinuod nga nahitabo.
Alang kang Garcia, ang pag-ingon kon crime against humanity ba ang war on drugs magdepende gihapon sa legal nga proseso ug sa desisyon sa korte.__
