Usa ka talagsaong talan-awon ang nakita sa graduation ceremony sa Plainview-Old Bethpage John F. Kennedy High School karong bag-ohay lang samtang kinse ka set sa kambal ang nagmartsa uban ang dul-an sa 500 ka mga estudyante gikan sa ilang batch.
Dili lang tungod klassmate sila, kadaghanan niining kambal dugay na nga nagkaila.
Ang uban kanila, sukad pa sa pagkabata, nag-uban na sa eskwelahan ug bisan ang ilang mga ginikanan nahimong higala.
Dili kini ang unang higayon nga daghang kaluha ang naka-graduate sa maong tunghaan.
Adunay usab mga batch nga adunay kapin sa napulo ka parisan sa kaluha kaniadto.
Bisan pa sa talagsaon nga gidaghanon sa kaluha karong tuiga, kadaghanan kanila mosubay gihapon sa ilang kaugalingong mga dalan human sa gradwasyon, diin ang uban nagtungha gihapon sa samang kolehiyo, apan daghan ang mopili sa pagbulag ug pagsulay sa ilang kaugalingong kinabuhi.
Alang niining mga kaluha, ang gradwasyon dili lamang ang katapusan sa ilang pagtuon, usa usab kini ka bag-ong yugto sa pagdiskobre sa kaugalingon, tungod padayon nilang gipamatud-an nga ang pagka-kambal labaw pa sa usa ka gipaambit nga apelyido o nawong, apan usa ka talagsaon nga bugkos nga ilang gidala uban kanila bisan asa sila moadto.
