Nakab-ot ni Diana Elizabeth Batres Hermosillo, usa ka circus performer gikan sa Mexico, ang bag-ong Guinness World Record human niya maalsa ang 166.11 pounds nga gibug-aton gamit lamang ang iyang buhok.
Nahitabo ang maong talagsaong pasundayag sa Le Paz Theatre niadtong Pebrero 28, diin iyang napadayon nga napataas ang gibug-aton sulod sa 14 seconds.
Gigamit ni Hermosillo ang iyang taas nga buhok nga gi-braids ug gihigot sa tumoy aron masuportahan ang bug-at nga karga.
Pinaagi niini, nalabwan niya ang daang rekord ni Asha Rani sa India, nga nakapataas ug 122.58 pounds gamit usab ang buhok niadtong 2014.
Sumala kang Hermosillo, unom ka bulan siyang nag-bansay aron maandam ang iyang anit, liog, ug likod sa grabeng pressure atol sa maong pagsulay.
