Gipadayag sa mga siyentista sa India ang talagsaong sustansya nga makuha gikan sa Pacific Beetle Cockroach o Diploptera punctata, nga manganak og buhi ug mopagawas og gatas nga mahimong kristal sulod sa tiyan sa iyang mga anak, nga puno sa protina.
Ang maong kristal adunay kapin sa tulo ka beses nga enerhiya kumpara sa gatas sa kabaw ug upat ka beses nga mas daghan og protina kaysa gatas sa baka, ug naglangkob sa kompleto nga nutrisyon lakip ang protina, tambok, asukal, ug tanang siyam ka essential amino acids.
Gipatin-aw sa mga eksperto nga kini hinay-hinay nga matunaw sa lawas ug makahatag og dugang enerhiya sulod sa taas nga panahon.
Bisan pa, wala silay plano nga magtukod og ok-ok nga farm, kondili gamiton ang biotechnologies aron ma-produce kini sa laboratoryo pinaagi sa yeast o bacteria.
Gilauman nga kon hingpit nang ma-develop ang teknolohiya, dako kini og ikatabang sa pagsulbad sa malnutrisyon sa tibuok kalibutan, apan sa karon nagpabilin pa kini sa unang hugna sa panukiduki.
