Gikatakdang sugdan sa Nobyembre 10, 2026 hangtod Hulyo 30, 2027 ang voter registration base sa tentative schedule nga giandam sa COMELEC Region 12.
Matud ni Atty. Jose Villanueva, assistant regional director sa COMELEC Region 12, naghulat pa sa pag-apruba sa COMELEC en banc ang maong iskedyul aron mahimong opisyal.
Gipahinumdoman ang mga bag-ong botante nga mag-andam og balidong ID ug photocopy niini, lakip ang birth certificate isip pamatuod sa ilang edad.
Matud nizVillanueva, usa na lamang ka kopya sa form ang kinahanglan nga sulatan, imbes nga tulo ka kopya sama kaniadto.
Dugang pa, mahimo usab nga magpa-correction of entries ug magpausab sa voter status ang mga rehistradong botante, lakip ang pagbalhin ngadto sa senior citizen category kon kwalipikado na.
