Naaresto sa mga sakop sa Bureau of Immigration ang usa ka Chinese hacker nga matod pa nagsilbi usab isip usa sa mga big boss sa Lucky South 99, ang matod pa operator sa POGO hub sa Porac, Pampanga.
Giila ni BI Commissioner Norman Tansingco ang suspek isip si Lin Qiude, 40 anyos, og naaresto sa Poro Point Freeport sa San Fernando, La Union.
Una na usa nga nakig-alayon ang BI sa Chinese police og gikumpirma nilang wanted si Lin sa China tungod sa nagkaidaiyang kaso sa pagpangilad.
Aduna na usab matod pay arrest warrant gikan sa China.
Nagtuo ang mga otoridad nga si Lin dili lamang nagapangbiktima dinhi sa Pilipinas kun dili bisan sa uban pang bahin sa nasud susama sa US, Middle East, og Europe.
Gawas sa BI, lakip usab ang Presidential Anti-Organized Crime Commission, Philippine National Police, og Armed Forces of the Philippines sa tracking ug hingpit nga pag-aresto sa suspek.
