GENERAL SANTOS CITY – Matigayon na karong adlawa ang turn over of command sa bag-ong mulingkod nga labaw sa kapulisan sa Syudad, kini human gibutyag ni Police Regional Office 12 Director Brig. General Jimili Macaraeg nga nakadawat ug abiso gikan sa Kampo Krame nga pulihan si Col. Paul Bometivo ang Acting City PNP Director luyo nga wala gipanganlan ang sunod nga mulingkod nga opisyal.
Kahinumduman nga migawas ang pangalan ni Col. Alexis Yap dungan sa pagkumpirma nga nakadawat kini ug screen shot sa kamandu-an gikan sa Camp Crame apan nagpaabut sa hard copy niini.
Gani sa mao nga higayon mibalibad usab sa pagkumpirma si Lt. Col. Aldrin Gonzales ang tigpamaba nga si Col. Yap ang muhulip kang Col. Bometivo tungod wala matud pa niini nakita ang maong kamandu-an.
Basi sa impormasyon nga karong alas otso sa buntag ipahigayon ang Turnover of Command Ceremony sa Grandstand, Camp Fermin G. Lira Jr. nga pangunahan mismo ni Police Brig. General Jimili Macaraeg.
