GENERAL SANTOS CITY – Mas gikadismaya ni Mayor Reynaldo Tamayo Jr sa Tupi South Cotabato human gibasura sa korte ang ilang mosyon nga dili maundang ang pagpatuman sa 40 km/hr speed limit nga ordinansa sa ilang lugar.
Kini human sa natigayong pagbangga sa usa ka bus ngadto sa traysikel sa national highway, Brgy Poblacion, Tupi nga nagresulta sa pagkasamad sa duha ka biktima.
Sa eksklusibo ng pakighinabi sa Bombo Radyo, gibutyag sa mayor, kita sa CCTV camera ang insidente kon asa sobra sa 40 km/ hr ang padagan sa Yellow bus line og gibanggaan ang traysikel hinungdan nga nalagpot ang driver niini nga nailhan nga si Romeo Villareal og samdan ang pasahero nga nailhang si Jerson.
Giila ang driver sa bus nga si Eugene Cinal, nga taga Malungon, Sarangani Province.
Subling gihi ngusgan ni Mayor Tamayo nga subling ibalik ang ordinansa sa speed limit ug gilaumang dili pa mahurot ang iyang pasensya sa gakahitabong aksidente sa kadalanan sa ilang lugar og dili muabot sa punto nga gikan sa 40 km/hr, paubsan niini sa 20km/hr ang speed limit sa sunod higayon.
Tumong niini aron wala nay mabiktima sa mahitabong vehicular accident ang ilabina nga daghang school ang nakapalibot sa natl highway sa Tupi.
