GENSAN– Gipahinumdoman sa Traffic Enforcement Unit- Gensan ang tanang drayber sa tricycle ug operator sa mga pampublikong sakyanan nga hugot nga ipatuman ang opisyal nga fare matrix nga gitakda sa lokal nga kagamhanan.
Hugot nga gidili ang pagpaningil og pamasahe nga molapas sa gitakdang kantidad, ang dili pagbutang sa fare matrix, ug ang dili paghatag sa hustong discount sa mga estudyante, senior citizens, ug persons with disabilities (PWDs).
Matud sa TEU-Gensan, ang mga mosupak sa maong mga lagda pagasilotan subay sa naglungtad nga mga balaod ug ordinansa.
Samtang gihangyo usab ang publiko nga magpabiling magbinantaron ug i-report dayon ang bisan unsang paglapas sa pinakaduol nga traffic enforcer o estasyon sa kapulisan alang sa hapsay, patas, ug disiplinadong sistema sa transportasyon.
