Nagpakitang gilas ang ilado nga YouTuber nga si Lily Hevesh, mas ilado nga si Hevesh5, human makig-collaborate sa usa ka grupo sa mga maayo nga domino artists alang magtindog sa pinaka-taas nag domino tower sa tibuok kalibutan.
Ang makasaysayanon nga pagsulay sa rekord nahitabo sa National Building Museum sa Washington D.C., diin gikuha ang lima ka adlaw aron makompleto ang tore, nga miabot sa gitas-on nga 10.128 metros, o anaa sa tulo ka andana nga bilding o poste sa kuryente.
Lakip sa grupo ni Lily ang mga eksperto gikan sa United States, Netherlands, Belgium, ug Germany.
Sa matag layer sa mga domino, ang trabaho nahimong mas lisud ug peligroso tungod kung ma sayup ang paglihok mahimong hinungdan sa pagkahugno sa tibuuk nga istruktura.
Bisan pa sa pipila ka mga glitches ug sa hapit nga pagkahugno sa pipila ka mga bahin, ang team nakahukom sa pagpadayon.
Sa dihang nabutang na ang kataposang domino, nahugyaw ang mga nanan-aw ug nagginaksanay ang grupo sa kadaugan.
Isip selebrasyon, gilabay nila ang usa ka stuffed toy nga squirrel sa taas sa tore nga domino bag-o kini gubaon .
Opisyal na nga giila sa Guinness World Records ang ilahang gihimo isip Tallest domino structure”.
