Nagtakos sa kusog ang mga nagkadaiyang tribu gikan sa pito ka munisipyo sa Sarangani sa gipahigayon nga final leg sa Indigenous Peoples games nga gipahigayon dinhi sa dakbayan.
Ang duha ka adlaw nga sporting events gipahigayon sa Acharon Sports Complex nga gitambungan pa ni Philippine sports commissioner Matthew Gaston.
Adunay napulo ka mga dula nga gilangkuban sa pana, fire making, trompo, athletics, kadang-kadang, swimming relay, tug of war, bangkaw, pagbayo ug palay, ug Budol.
Ang maong panagtigum ang pagpakita ug panaghiusa sa mga tribu, pagpakusog sa kultura, ug pagpatuman sa mga tradisyon nga napanonod sa matag komunidad.
Nasuta nga ang Philippine Sports Commission ang nag organisa sa IP Games sukad pa niadtong 2018 human miapela ang United Nations Educational and Scientific and Cultural Organization nga ipreserba ang cultural heritage sa kalibutan.
