Boluntaryong nisurender sa kapulisan ang suspek sa pagpatay sa biktimang giila nga si Arthur Ancot Dela Cerna, 52 anyos nga taga 38 Sampaloc Street, Barangay Dadiangas West, General Santos City.
Ang suspek ang giila sa kapulisan nga si Alyas Jibbi, 18 anyos nga residente sa Purok Holohano, Barangay Tuyan, Malapatan, Sarangani Province.
Sumala pa sa kapulisan sa Makar Police Station nga kagahapong adlawa Pebrero 12 ning tuiga, alas 10 sa buntag ang suspek ang personal nga niadto sa buhatan sa Police Station 2 ug giangkon ang salaud nga siya ang nipatay sa biktimang si Dela Cerna kaniadtong December 29, 2024 sa Purok Pandian, Zone 6, Barangay Labangal, ning syudad kon asa nakaplagan ang biktima abandonadong balay nga walay sanina pantaas, gigapos, ug puno ug bun-og ang lawas.
Si alyas Jibbi nag execute ug waiver of article 125, sa Revised Penal Code alang saiyang temporary custody ug saiyang Extra-Judicial Confession nga naga angkon saiyang partisipasyon sa maong krimen.
Samtang kasong murder ang ginahikay na karun sa otoridad nga ipasaka kaso batok kaniya.
