GENERAL SANTOS CITY – Nagpabiling naka-hospital arrest ang suspek sa natigayong buy-bust maiging gabii sa DRBC Homes, Brgy Apopong, ning dakbayan.
Gipahigayon ang nasampit nga operasyon sa City Drug Enforcement Unit kon CDEU.
Kahibaluan nga giila ang nasampit nga si Ariel Abarquez, hamtong ang pangidaron, residente sa nasampit nga lugar, samtang nasikop usab ang kauban niini nga si Dianne Dignadice, 22 anyos, taga-Brgy Apopong ning dakbayan.
Kahinumduman nga narekober gikan sa nasampit ang walo ka sachet sa shabu, usa ka caliber 38 revolver nga may duha bala.
Kahinumduman nga human napalitan ug iligal nga droga si Abarquez, nakamatikod kini sa presenysa sa kapulisan, hinungdan nga midagan ug misakay sa motor dayon misulay ug sibat.
Samtang ginagukod sa kapulisan, mibunlot kini ug pusil ug nagpabuto paingon sa mga pulis, apan pakyas nga makaigo.
Hinungdan nga mibalos ug pusil ang suspek ug naigo sa wala nga bahin sa hawak.
Sa pagkakaron nagpabiling balhug ang uyab sa suspek sa Makar Police Station, samtang giandam ang kasong pagsupak sa RA 9165 kon Comprehensive Dangerous Drugs Act of 2002 ug RA 10591 kon Comprehensive Law on Firearms and Ammunition.
