SARANGANI – Kasamtangang anaa karon sa kustodiya sa Glan Municipal Police Station ang suspek sa natigayong pag pamusil Patay sa asawa niini human nga gipusil sa iyang kaugalingong bana pasado alas 9 sa kagabhion sa Purok Pacquiao,Barangay Kaltuad, Glan Sarangani Province.
Giila sa kapulisan ang biktima nga si Yonilyn Cago Segafu ,29 anyos ,minyo lumulupyo sa nasampit nga dapit.
Samtang giila usab sa kapulisan ang responsabling mamumuno nga si Jemar Butil Segafu nga lumulupyo sa nasampit nga lugar nga dali usab nadakpan sa mga otoridad.
Sa imbestigasyon sa kapulisan nasayran nga alas 10:00 sa kagabhion nakadawat og taho ang kapulisan nga dunay nahitabong pagpamusil sa nasampit nga barangay pinaagi sa gihatag nga impormasyon ni barangay kagawad Rex Segafu.
Gilayon nga girespondihan kini sa kapulisan sa nasampit nga lugar diin naabtan pa nila sa panimalay ang responsable nga anaa pa sa kalisang hinungdan nga ila gilayon kining gidakop dala ang narekober nga usa ka kalibre 45 nga dunay magasin nga wala nay unod nga mga bala.
Kahibalaun nga gisukmatan sa babaye ang iyang bana kabahin sa mikatag nga impormasyon nga iyang nahibaluan nga dunay kini lain nga babaye.
Resulta nga ang bana ang nag maoy sulod sa ilang pinuy anan nga misangko ngadto sa init nga argumento hangtod nga mikuha kini og kalibre 45 nga pusil ang suspek og gipusil ang iyang asawa sa katulo nga higayon og nasuta sa kapulisan nga isa lang ka bala ang miigo sa ulo nga bahin sa bikitima nga miresulta sa hinanali nga kamatayon niini.
Gipailawom gilayon ang suspek sa medikal nga pagsusi sa mga mananambal una kini gisulod sa custodial facility samtang ginahikay na ang kaso giprepara sa kapulisan pinaagi sa inquest proceeding sa piskalya.
Samtang ang mga nakuhang mga ebidensiya ang giintrigo na sa Regional Forensic Unit 12 alang sa ballistic examination.
