-- ADVERTISEMENT --
GENSAN – Apektado karon ang operasyon sa Gensan Fishport sa pagkunhod sa gidaghanon sa isda nga nagasulod, tungod sa gamay na lamang nga mangisda nga nagalawod.
Sumala ni Jhona Faye Dequito, Fishery Market Officer, dili tinuod nga wala nay isda nga nagadunggo sa fishport, apan nakita ang dakong pagkunhod sa supply tungod sa krisis sa mahal nga gasolina ug krudo nga maoy nag-unang gamit sa pagpanagat
Tungod niini, daghang mananagat ang napugos nga dili na makaadto sa lawod, hinungdan sa pag-ubos sa supply sa isda sa merkado.
Bisan pa niini, padayon ang monitoring sa fishport aron masiguro ang tarong nga suplay ug operasyon sa industriya sa panagat sa siyudad.
