GENERAL SANTOS CITY – Gihangyo sa South Cotabato Swine Producer Association O SOCOSPA ang gobernador og mga mayor sa Panabo og Tagum aron tugutan ang ilang baboy nga makaagi paingon sa Agusan del Sur , Tacloban og Cebu City.
Matud ni Dr Efraim Marin, City Vetirinary Officer sa Gensan nga duha ka semana nang wala nakagawas sa syudad ang produktong baboy kini human nagpatuman og lock down ang mga Local Executives sa Davao del Sur, Davao City lakip ang Davao del Norte.
Dugang pa niini nga sa maong mga adlaw ang baboy ang kaniadto anaa sa 90 kilos, apan karon misaka na sa 115 kilos ang timbang og kini overweight na.
Nanawagan usab ang SOCOSPA sa Department of Agriculture nga tabangan nga ma-harmonize ang mga LGU pinaagi sa pagpatawag og meeting sa mga mayor og gobernador para hatagan og solosyon ang ASF scare tungod mag-over supply sa karne sa baboy ang rehiyon samtang kulang usab sa ubang lugar.
