Dili angay nga ibasol dayon sa tulunghaan o sa mga ginikanan lamang ang nahitabong pagpamusil sa usa ka tulunghaan sa Zamboanga City nga gikamatyan sa duha ka estudyante.
Kini ang gipasiugda ni Prof. Mario Aguja sa Mindanao State University-General Santos o MSU-Gensan, nga nanawagan og mas lawom nga pagsusi sa nagkadaiyang hinungdan nga mahimong nakaamot sa maong insidente.
Matud ni Aguja, daghang mga factor ang angay ikonsiderar, lakip na ang paggiya ug pagtudlo sa mga bata, ingon man ang paagi kung giunsa sila nakabaton og access sa pusil.
Gikadugang pa niya nga ang social media ug uban pang bag-ong teknolohiya angay usab nga tutukan, ilabina tungod sa mga daotang insidente nga mahimong resulta sa sayop nga paggamit niini.
Alang kang Aguja, importante nga masabtan ang tinuod nga hinungdan sa maong insidente aron makahimo og tukmang mga lakang aron mapugngan ang pagbalik sa susamang panghitabo
